السيسي: الدولة تنفذ مشروعاتها بجودة عالية واتابعها بنفسي
شارك اليوم الرئيس عبد الفتاح السيسي، بحفل إفطار الأسرة المصرية، على هامش افتتاحه عددا من المشروعات السكنية بمدينة بدر.
وخلال كلمته، أكد السيسي أن: "الدولة المصرية تنفذ المشروعات بجودة كبيرة جدا.. الدولة مش هتعمل حاجة إلا زي ما الكتاب بيقول، وأنا قاعد معاها كده حته حتة".
وتابع بأن الدولة لديها تصميمات كثيرة للمناطق الحرفية لنقل الناس إليها، متابعا: "خلونا ندى فرص عمل للناس المحيطة بالمكان، بس انتو ساعدونا إنكم تثقوا فى أنفسكم ومش هقول تطولوا بالكم علينا، الـ15 منطقة اللى بنتكلم عليهم أقل ما فيها لو عايز اعملهم النهارده ممكن يكلفونا أكتر من 15 مليار جنيه".
ووجه الرئيس السيسى حديثه للواء أ.ح إيهاب الفار، رئيس الهيئة الهندسية للقوات المسلحة: "لو أنا قلتلك اعملهم تاخد منى كام؟"، ليرد الفار قائلا: "تاخد أكتر من الرقم اللى سيادتك قلته".
وحول سؤال لأحد المواطنين من سكان عزبة الهجانة، حول النادي الذي يشجعه الرئيس، قائلا: "حضرتك أهلاوي ولا زملكاوي؟".. رد السيسي: "تفتكر أنا عندى وقت أفكر كده؟.. أنا أصول مصر، لكن طبعا انا بحب الأهلى والزمالك.. لكن لو تقارن حجم التعصب اللى كان موجود من 5 أو 6 سنوات أعتقد أنه تراجع صحيح مش مقبول لكنه تراجع".
