أمير مرتضى: تسريب عقود اللاعبين حرب ممنهجة على نادى الزمالك
أكد أمير مرتضى منصور المشرف العام على الكرة بنادى الزمالك أن عقود لاعبي الفريق المسربة هى حرب ممنهجه على النادي لافتًا إلى أن معظمها غير حقيقي، مضيفًا:"،والفريق بقاله فتره بيمر بظروف صعبه شويه ولكن بعد ماتش الترجي المعنويات زادت وواستعدنا جزء كبير من شخصيه الزمالك".
تابع:"ماتش انبي مهم جدا ميقلش اهميه عن الترجي او بلوزداد، احنا عارفين ان كل ماتش هيرجعنا للمكانه بتاعتنا، مقدمناش غير ان كل مباراه نحارب عليها لان هي دي شخصيه الزمالك وهي دي هويتنا اللي الناس عرفتها اخر سنتين".
وواصل:"من بدايه شهر يناير حصلنا دروب كبير ولكن بنحاول نرجع لمكانتنا وباذن الله مباراه انبي تبقى تكمله للمسيره وانا موجود في الزمالك من ٢٠١٨ وبعرف اشتغل تحت ضغط، مش اول مره عقود تتسرب، عقد اوباما اتسرب وعواد كذلك وبن شرقي".
وأكمل:"الحرب المرادي مكثفه وممنهجه على الفرقه، مين عنده مصلحه من التسريب ده بغض النظر ان جزء كبير من العقود مش صح ومش رسمي، نادي الزمالك من أكبر فرق افريقيا ومعروف ان الزمالك ميزانته ضخمه".
وأردف:"معروف ان اكبر فرق ميزانيه في افريقيا هم الزمالك والاهلي وبيراميدز وممكن نبقى اقل فريق في ال٣ كمان والعقود اللي اتسربت هي الغرض منها انها تشكك في كوالتي اللعيبه او إمكانيات اللعيبه، وبيستغلوا الماتشات وسوء النتائج، بيستغلوا ان اللاعب يعمل ماتش مش كويس يقوم مسرب عقده".
