اجتماع «الأعلى للجامعات».. الرئيس السيسي: «أنا مش جاي أسمع كلام جميل..عايز حلول واقعية»
قال الرئيس عبد الفتاح السيسي، إن الدولة تحتاج إلى توصيف حقيقى للواقع من أجل التوصل إلى حلول، متابعا: "أنا مش جاى اسمع كلام جميل.. وعمر الكلام الجميل ما هو الهدف بتاعى أو الهدف بتاعنا.. هدفنا توصيف حقيقى للواقع للخروج بحلول ممكن تساهم في تقدم الدولة دى.. إصلاح وبناء وأمل واستعادة ثقة".
جاء ذلك خلال اجتماع الرئيس عبد الفتاح السيسي، مع المجلس الأعلى للجامعات اليوم في محافظة الإسماعيلية.
جهود الدولة في القطاع الصحي
وعن جهود الدولة في القطاع الصحي، قال الرئيس: "عملنا فقط 50 % من البنية الطبية اللازمة.. لما بنتكلم في 1400 مستشفي للدولة المصرية.. احنا عندنا 700 مستشفى".
وأضاف الرئيس السيسي، خلال الاجتماع: "مع الوضع في الاعتبار.. يا تري الجهد اللى بيتم فيهم يساوي حجم العمل إللى ممكن 700 مستشفي يقدموه.. أشك".
وعن ظروف الدولة المصرية، قال الرئيس: "الفكرة فى دولة زى ظروف مصر.. لازم يكون عندك أفكار لمواجهة تحديات الدولة".
وأضاف الرئيس السيسى: "أنا بعتبر الـ 10 سنوات الماضية مرحلة انتقالية لسد الثغرات والفجوات اللى كانت موجودة فى كل قطاعات الدولة فى التعليم والصحة".
