الرئيس السيسي: بشكر كل الناس في مصر اللي قدموا وضحوا

وجه الرئيس السيسي الشكر للمصريين، قائلا: “بشكر كل الناس في مصر اللي قدموا وضحوا، وزي ما اتقال دلوقتي في أوبريت إن الشر ما انتهاش والشر ما بينتهيش وطول ما هي الدنيا موجودة فيها شر”.

وأضاف خلال الاحتفال بالذكرى الـ73 لعيد الشرطة: لكن فيه ناس بفضل الله قاعدة بتحمي وتحافظ، أيوة بيبقى فيه ثمن، وثمن صعب، وممكن يكون مؤلم وقاسي خاصة على الأسر".

 الاحتفال بالذكرى الـ73 لعيد الشرطة

وتابع: ولكن في النهاية هذا الثمن هو ثمن استقرار وحياة 106 ملايين، و9 ملايين ضيف، أي حوالي 120 مليون».

واستطرد قائلا: «كل نقطة دم حافظت، كل روح حافظت، كل إنسان قدم نفسه هو اللي حافظ، هي دي الحقيقة، وأنا لما بقول كده علشان كل الناس في مصر تعرف".

وذكر: الكلام ده إحنا بنكرره في كل مناسبة إن أحنا مش هننسى أبدًا ومش لازم ننسى أبدًا كل بيت قدم شهيدا أو مصابا، مش هننساه وبنشكره وكل الدعم له».