فضل: غلطة الشناوى في الاهلى بـ"ألف"..واكتشفت ان مراتى زملكاوية بعد 14 سنة
يرى محمد فضل نجم الاهلى ومنتخب مصر الأسبق ،أن محمد الشناوى حارس الاهلى يلعب بثقة زائدة في الفترة الأخيرة وغلطته بألف ،وقال محمد فضل عبر أثير إذاعة الشباب والرياضة:"الناس مش متقبلة فكرة وقوع محمد الشناوى في أي خطأ لان غلطة الشاطر بألف ".
ويضيف نجم الاهلى الأسبق :"الشناوى بيلعب في المباريات الأخيرة بثقة زائدة ، بيحاول يظهر بنفس طريقة لعب نوير ، خاصة أن الشناوى لاعيب كورة بس لازم يلحق نفسه بسرعة".
وعن اقرب اصدقاؤه في الوسط الكروى علق محمد فضل :" حسام غالى الأقرب لقلبى فهو صديق مقرب لى منذ سنوات طويلة".
وعن حياته الشخصية قال محمد فضل ضاحكاً:" اكتشفت ان مراتى زملكاوية بعد 14 سنة عشرة ، لم أكن أعلم انها تنتمنى للقلعة البيضاء وتفاجئت نفس مفاجأة منى زكى لما عرفت ان شريف منير خدعها سنين طويلة في فيلم أولاد العم ، وقررت اعمل إجراءات احترازية عشان اتابع انتماء الأولاد خاصة ان عائلتى كلها أهلاوية فلازم الولاد يبقوا اهلاوية".
