فيديو.. السيسي: التحديات المصرية تعجز عنها دول عظمى.. ومستعد لانتخابات كل سنة
قال الرئيس عبد الفتاح السيسي، إن مصر تواجه تحديات عديدة، على رأسها مواجهة الفقر بتوفير فرص عمل، موضحا: "محتاجين مليون فرصة عمل سنويا، لشعب 100 مليون، مين من الدول المتقدمة تقدر توفر مليون وظيفة في العام؟.. طب ممكن حد يقولى المستشفيات مبتقدمش خدمة طبية جيدة، صحيح، لكن تقدر تقولى إزاى دولة بحجم مصر كل موازنتها المتاحة تساوي 10% من الأموال المطلوبة لتشغيل وإدارة الدولة المصرية".
وأضاف السيسي، خلال لقاء مع الصحفيين والمراسلين الأجانب، على هامش منتدى شباب العالم، اليوم: "إنت عاوز تريليون دولار سنويا، طيب مفيش، لو عاوز تعمل إنفاق مناسب لدولة زى مصر انت عاوز تريليون دولار، هاتوا كل دولة عدد سكانها قريب من مصر بتقول انها بتعمل إنفاق مناسب، هنقول انها بتنفق على الأقل تريليون دولار على الأقل، لما تيجي تقارني بدولة مثلا زى أى دولة اوربية غنية عندنا ثبات في النمو الديمغرافي لمدة 50 سنة يعنى ايه؟، دولة زى المانيا وفرنسا عدد سكانها مزدش على مدى 30 سنة اللى فاتت، هل هو كان محتاج يعزز من النظام الصحى ولا يطوره، لأ.. يحسن فيه لأنه امتلك بنية صحية جيدة تستطيع تقديم خدمة طبية جيدة جدا".
وتابع: "أنا مستعد في كل سنة اعمل انتخابات في مصر، ولكن بشرط واحد ثمن تكاليف الانتخابات تتحملوها أنتم.. والناس لو قالت "لا" في الانتخابات، هسيبهم وامشى".
وأضاف الرئيس السيسي: "إرادة الناس في مصر معيار، لو الناس في مصر مش عاوزانا نمشى على طول، ويجي حد تاني، ده الكلام النهائي غير كده يبقا محاولة للإساءة وتشويه شكل الدولة".
نحن ندير سياساتنا بمنتهى التوازن والاعتدال في الدنيا، ونحرص دائما أن نكون عامل إيجابى في كل التحديات الموجودة في العالم فنرجوا الحفاظ على هذا الصوت العاقل.
