السيسي يوجه رسالة لأبطال «الاختيار 3» و«العائدون» وأسر الشهداء والمصابين: «والله دي الحقيقة»
وجه الرئيس عبد الفتاح السيسي، التهنئة بمناسبة عيد الفطر لأهالي الشهداء والمصابين، وأبطال ملحمتي الاختبار 3 والعائدون، قائلاً: "فرصة إن أنا في يوم العيد أولا بقولكوا كل سنة وأنتوا طيبيب ونشكركم وعاوز أقولكم إن اللي أنتوا عملتوه كان جزء كبير منه لصالح الأبطال والشهداء اللي ضحوا علشان خاطر مصر تعيش".
وتابع الرئيس في كلمته: "عاوز أقولكم احنا قولنا إن التاريخ منسيبوش لحد والله والله والله إحنا كنا حريصين إن لا يسقط ولا يحصل تصادم واللي أنتوا عملتوه وسجلتوه وطلعتوه للناس، والله دي الحقيقة، أنا بقول هنا لكل ولاد وبنات مصر وأسر الشهداء والمصابين أوعوا تفتكروا إن ولادكو سقطوا في معركة طغيان لا إحنا مطغيناش ولم نعتدي، وحاولنا وكل كلمة اتقالت كانت عبارة عن واقع نقلتوه للناس كلها، علشان الولاد الصغيرة لما يكبروا ويقولوا إحنا أبناء الأبطال محدش يزيف ويشوه تاريخهم ويضيع قيمة اللي عملوه".
وشارك أبطال ملحمتى "الاختيار" و"العائدون"، في احتفالية أبناء الشهداء بعيد الفطر بحضور الرئيس عبد الفتاح السيسي، وتم عرض مشاهد من مسلسل "الاختيار 3".
وكان الرئيس عبد الفتاح السيسي، أدى صباح اليوم صلاة عيد الفطر المبارك، في مسجد المشير طنطاوي في التجمع الخامس.
وتحتفل الدولة المصرية والعديد من الدول الإسلامية والعربية، اليوم الإثنين بعيد الفطر، حيث أعلنت دار الإفتاء المصرية، أن اليوم هو أول أيام عيد الفطر، وحرص الرئيس عبد الفتاح السيسي، على تبادل التهنئة مع العديد من رؤساء الدول، بمناسبة حلول عيد الفطر المبارك، داعين الله عز وجل أن يُعيده على شعبي البلدين الشقيقين وكل الشعوب العربية والإسلامية بالخير واليُمن والبركات.
