نصائح ياسمين عز للزوجات: لو جوزك مهندس حسسيه بالحنان لهذا السبب
قدمت الإعلامية ياسمين عز، مجموعة من النصائح للزوجات عن كيفية التعامل مع أزواجهن بطريقة صحيحة، داعية الزوجات إلى التفخيم والتنعيم.
ليه بتنادي على جوزك حاف
ووجهت ياسمين عز، خلال برنامجها "كلام الناس"، الذي يعرض عبر قناة «إم بي سي مصر»، الجمعة تساؤلا للسيدات: "ليه بتنادي على جوزك حاف، قولي لجوزك يا أستاذ، بلاش لو اسمه محمد تنادي وتقولي محما وتاكلي آخر حرف من اسمه، يعني ينفع لو اسمك سماح يقولك يا سما، هتعملي مشكلة وتقولي إنه بيخونك مع واحدة اسمها سما، قولي له أستاذ للتفخيم ومحمد للتنعيم الشتوي».
وقالت "عز"، ضمن نصائحها للزوجات: «لو جوزك مهندس لازم تحسسيه بالدفا والحنان، لأن حياته كلها مربعات ودواير ومستطيلات، ومحتاج يرتاح، قولي له الباشمهندس، وفخمي فيه قدام صحابك»، مضيفة «سيبي لجوزك أكتر من رف، ورتبي دولابه، واهتموا بملاسبهم وسيبولهم رف في الدولاب عشان تاخدي حسنات، الرجالة حاسة بقهر بسبب موضوع الرف ده».
