أحمد شوبير يرد على اتهامه في واقعة الراحل أحمد رفعت
رد الإعلامي أحمد شوبير، حارس مرمى النادي الأهلي ومنتخب مصر الأسبق، على الأنباء التي ترددت خلال الساعات الأخيرة، حول اتهامه في واقعة الراحل أحمد رفعت لاعب مودرن سبورت ومنتخب مصر، بعد أن وافته المنية عن عمر يناهز 31 عامًا.
وقال شوبير في برنامجه «مع شوبير»، «اسمحولي، أول مرة هتكلم بشكل شخصي في البرنامج عندي، بعد إلحاح من المقربين والحبايب إني لازم أطلع أرد، مع إني مكنتش ناوي أعمل كده».
شوبير يرد على اتهامه في واقعة الراحل أحمد رفعت
وتابع شوبير: «بقالي 48 ساعة عمال أسمع وأرى حواديت وبوستات وقصص عن اتهامي في واقعة الراحل أحمد رفعت.. أنا مش في موضع اتهام عشان أطلع أدافع عن نفسي، بس الإجراءات القانونية لا بد أن تتخذ، فبصراحة كده أنا عمال أجمع وأفلتر كل اللي عمال يتقال ده واللي له حق ياخده والمخطئ يتحاسب».
واختتم شوبير: «لازم كلنا نقف قدام القضاء والمخطئ يتحاسب، وعند الله تجتمع الخصوم.. آسف إن أخدت من وقت البرنامج ومن وقتكم الدقيقتين دول لحديث شخصي، بس استجابة لرغبة بعض المقربين اتكلمت ومفيش أي حاجة أدافع عنها وكل واحد هياخد حقه».
