الرئيس السيسي الدولة تسعى للقضاء على البناء المخالف والحفاظ على الرقعة الزراعية
قال الرئيس عبد الفتاح السيسى، أن "أكثر من 90 % من أرض مصر صحراء مستنكراً المخالفة رغم ذلك والبناء على الاراضى الزراعية .
وتابع الرئيس السيسي خلال ، خلال كلمته فى افتتاح مشروعات إسكان بديل للمناطق غير الآمنة "رايحين تبنوا على الأرض الزراعية اللى تشتغلوا عليها؟!.. ينفع أسيب الأرض الزراعية اللى هشتغل عليها وجاهزة بشكل كامل للزراعة.. ولازم نشتغل على الأرض الصحراوية".
وشدد على إن الدولة تسعى لمواجهة البناء المخالف متابعا: "عاوزين نغيرها، وعندنا أكثر من مليون وحدة سكنية والوحدة السكنية اللى بتتعمل دى من أموال مصر.. محدش بيجيب حاجة.. دى من بلدنا.. وبالمناسبة نص مصر كده.. معرفشى بناخد بالنا من المشكلة ولا ايه؟!".
وأضاف الرئيس السيسى، : ما حدث من غرق في مدينة الصف خلال الأمطار بالعام الماضى كانت أراضى زراعية"، متابعا: "مش عملنا حاجة أو مشروعات إسكان أو غيرها على أرض زراعية.. وعملنا على أرض صحراوية فقط.. اوعى يكون الموضوع ده اهتمام الحكومة أو الرئيس فقط.. ينفع مش تحافظوا على الأرض الغالية "الزراعية" بالطريقة دى.. وتسيبوا صحراء مفتوحة؟!".
