مرتضى منصور: أنا مضيت مروان عطية عقود ورغبة ولو لعب لغير الزمالك هوقفه
قال مرتضى منصور رئيس مجلس إدارة نادى الزمالك إنه حصل على عقود رغبة من مروان عطية لاعب الاتحاد السكندرى مشيرًا إلى أن عطية لو لعب لفريق غير الأبيض سيقوم بوقفه.
أضاف مرتضى خلال تصريحات لـ قناة الزمالك:"بقول لمحمد مصيلحي مبروك عليك صفقة مروان عطية.. بس ليا عندك طلب رجع محمود علاء عشان انت ضحكت عليا".
تابع:"اللي قال إن فيريرا عايز مروان عطية فالكلام ده مش صح.. مروان كان لاعب مغمور ولا هو عبدالله السعيد ولا دونجا.. الضغط الجماهيري والترويج للولد كلمت محمد مصيلحي في بداية الموسم وقولتله عايزين الولد مقابل محمود علاء
وواصل:"محمد مصيلحي قالي لو قررنا نبيع مروان عطية هنبيعه للزمالك.. بس الراجل كلمة كان عايز 12 مليون وهياخد 2 لاعيبة.. كلمني مصيلحي أول امبارح وقالي الخطيب والقيعي وأمير توفيق لسه ماشيين من عندي وعرضوا 25 و4 لاعيبة وبيراميدز عرض 30 مليون.. قولتله ده مكنش اتفقنا".
أكمل:"بقول لجمهور الزمالك نادينا مبيدخلش في مزايدات.. ومش عايزين اللاعب وكان ممكن أدفع الـ 25 مليون.. احنا مش طرف في التمثيلية دي.. وياما لاعيبة دخلوا في مزايدات زي أكوتي مانساه كان بـ 2 مليون وصل لـ 11 مليون قولتلهم خلوا الأهلي يشيله وجاله إصابة مزمنة ومشي".
