كهربا: قدرت أقف علي رجلي بعد إيقاف 6 شهور.. وربنا كان دايمًا في ضهري ونصرني
وجه محمود عبد المنعم كهربا نجم الفريق الأول لكرة القدم بنادى الأهلى رسالة شكر إلى مسئولي ناديه والجهاز الفني وزملاءه عقب انتهاء موسم وصفه كهربا بانه الأصعب في مسيرته.
وجاء نص ما نشره كهربا علي صفحته: بعد إيقاف ٦ شهور الحمد لله قدرت اقف على رجلي تاني وبسرعه جدا واكمل مسيرتي موسم صعب وكله ضغوطات إنتهي بأن الأهلي بطل كل حاجه وبكرم ربنا ودعم جمهور الأهلي قدرنا نحقق كل البطولات إللي شاركنا فيها".
كهربا: مكنش هينفع إننا نستسلم في وسط الطريق
أضاف:"مكنش هينفع إننا نستسلم في وسط الطريق كان لازم نكمل للاخر زي الأهلي ما عودنا كنت بستني الإيقاف ينتهي بفارغ الصبر علشان أقدر أشارك وأجتهد، إتعرضت لضغوط كتير وناس بتحاول إنها تعطلني بس ربنا كان ديما في ضهري ونصرني الحمدلله فا اي ضغط من الضغوطات الكتير الي اتعرضتلها كنت برميه ورا ضهري".
تابع:" ركزت في تمريني واركز في الملعب و أسعد جمهور النادي في محاولة إني أرد ولو جزء بسيط من فضل جماهير النادي في دعمهم ليا ووقوفهم في ضهري من أول يوم كنت فيه في النادي ولا أي كلام هيوفيهم حقهم ولا هيوصف اللي في قلبي من ناحيتهم الحمد لله".
كهربا: قدرنا نحقق كل حاجه وفي النهاية بشكر كل شخص قدملي المساعده
وواصل:" قدرنا نحقق كل حاجه وفي النهاية بشكر كل شخص قدملي المساعده ووقف جنبي من اول بيتي النادي الاهلي ومجلس الاداره والمدير الفني والجهاز بأكمله و اخواتي في الملعب الي عمال غرفة الملابس والمنظومه جميعا واشكر عائلتي الداعم الحقيقي والدائم في كل الاوقات.. بشكر كل إللي وقف جمبي وكان بيشجعني وكان حافز إني أكمل ومستسلمش شكرا من كل قلبي ".
