أبرز رسائل الرئيس السيسي خلال زيارته مقر كاتدرائية ميلاد المسيح بالعاصمة الإدارية
زار الرئيس عبد الفتاح السيسى مقر كاتدرائية ميلاد المسيح بالعاصمة الإدارية الجديدة.
ووجهة كلمة قال فيها: "كل عام وانتو طيبين، وقداسة البابا بخير وسلام، واحنا كلنا إن شاء الله بخير وسلام، احنا كمان بنحبكم وانتو اخواتنا وحبايبنا".
وتابع: “إن شاء الله عام سعيد، وسنة إن شاء الله تبقى أفضل من السنوات الماضية، بتابع كل الأمور وبشوف كل ردود الأفعال، والقلق يمكن يكون مبرر”.
أضاف: لازم تعرفوا، ومش بكلمكم انتو بس، بكلم الدنيا في مصر وبرا مصر من خلالكم، إن شاء الله السنة دي تبقى أفضل من السنوات اللي فاتت".
وتابع: “مصر دولة كبيرة أوي، مصر دولة كبيرة أوي، مصر دولة كبيرة أوي، كل سنة وانتو طيبين، وعيد سعيد علينا كلنا وإن شاء الله الأيام الجاية تبقى أفضل من الأيام اللي فاتت، مش عاوز أطول عليكم”.
وذكر: عارف الإجراءات والمراسم والصلاة بتاخد وقت كبير، وأنا في كل مرة بفكر نفسي".
واستطرد: أفكركم وأقول لكم قداسة البابا له مكانة كبيرة في قلبي واحترام كبير كبير كبير، ربنا يحفظه ويحميه ويحميكم".
وكان الرئيس السيسي افتتح كاتدرائية "ميلاد المسيح" بالعاصمة الإدارية، في عام 2019، وتعد هي الأكبر في الشرق الأوسط.
وتسع لـ8200 فرد، وهي عبارة عن طابق أرضي وصحن ومنارة بارتفاع 60 مترا.
