شيرين عبدالوهاب تكشف سر زيادة وزنها
اعترفت الفنانة شيرين عبدالوهاب، للمرة الأولى بإصابتها بورم ليفى على الرحم، وإجرائها عملية جراحية لإزالته ما تسبب فى زيادة وزنها الفترة الأخيرة، بسبب خضوعها للعلاج بالكورتيزون، وظهورها بحفلاتها بشكل مختلف وغنائها فى إحدى حفلاتها مؤخرا جالسة على كرسى.
وقالت شيرين، فى تصريحات تلفزيونية لها: «أصبت بتليف على الرحم كان كبيرا إلى حد ما، واضطررت لإزالته بعملية، فتحت بطنى زى ما أكون ولدت وعشان كده منطقة البطن زادت عندى، وأنا كلى زدت بس أنا مش متضايقة.. ووزنى زاد عشان بأخد أدوية بتحبس الماية فى الجسم بس نزلت أشتغل ومرفضتش الحفلات ومهمنيش وبحب أنزل أشتغل ومش بحط فى دماغى الكلام ده».
وحول الشائعات الكثيرة التى طاردتها عن حملها الفترة الماضية، نفت «شيرين» ذلك وطالبت جمهورها بالدعاء لها، مؤكدة على أمنيتها لوجود طفل من زوجها الفنان حسام حبيب بسبب حبها الكبير له، وقالت: «الناس من كتر حبها فى الدويتو بينا، نفسهم يشوفوا أطفال منا، وأنا بقولكم ادعولى من قلبكم إن ربنا يرزقنى بطفل من حسام لأنى بحبه جدا ونفسى أكبر عيلتى بيه ومعاه، كتر الدعاء بيغير القدر، وأنا راضية بقضاء الله أكيد ربنا ليه حكمة فى تأخير الحمل لغاية دلوقتي».
