فيديو.. السيسي: بطاقة التموين لفردين فقط ولن نصدر بطاقات جديدة
طالب الرئيس عبد الفتاح السيسي، المواطنين، بالتفكير جيدا في أزمة الانفجار السكاني التي تعيق التنمية وتحرم الشعب المصري من خدمات عديدة، أو الشعور بتأثير جهود الدولة على تحسين مستوى المعيشة، قائلا: "إذا كنت هتجيب طفل، فلازم تفكر هتأكله منين وهتعلمه إزاي، ودي ثقافة مهمة لابد ناخد بالنا منها عشان نحس بالتغيير الحقيقي في حياتنا".
وأضاف السيسي، خلال افتتاحه لعددا من مشروعات الطاقة اليوم، بأسيوط: "قلت لا يمكن حد بيتجوز جديد نديله بطاقة تموين تانية، إذا كنت أنت مش قادر تتجوز ومش قادر تصرف.. ثقافة الاعتماد على الدعم المقدم من الدولة مش موجودة غير في بلدنا احنا، وعشان كده بلدنا مقدرتش تقوم خلال السنين اللي فاتت".
اقرأ أيضا:
الرئيس السيسى: نسعى للاستفادة من كل نقطة مياه داخل مصر
وتابع: "وعشان كده احنا مسؤلين أمام الله، اننا نحط الإجراءات والقواعد التي تمكن البلد دي أنها تقوم، ولذلك لن نصرف بطاقة تموين لأكثر من فردين في اللي فات، وفي البطاقات الجديدة.. لأ.. مفيش”، منوها لضرورة أن يكون المقدم على الزواج قادرا على تحمل المسؤلية وبالتالي يفكر جيدا قبل الإنجاب بكثرة.
