السيسي ينتقد تأخير مشروع الروبيكي 20 سنة
انتقد الرئيس عبدالفتاح السيسي، تأخر تنفيذ مشروع «الروبيكي»، قائلًا إنَّ فكرة المشروع بدأت منذ 2004، ولكن دخلت الإنتاج الحقيقي منذ عامين فقط، مضيفًا «الكلام ده لما بقوله عبارة عن نقد ذاتي لينا، من 2004 لـ2010 متعملتش ليه؟ طب من 2010 لـ2017 متعملتش ليه؟».
وأضاف السيسي، خلال افتتاح سلسلة من المشروعات القومية الجديدة بمختلف القطاعات بصعيد مصر، اليوم السبت: «أنا بقول الكلام دة هنا وبسمع كل الناس إن لما الموضوع اتأخر في الروبيكي، اتأخرنا 20 سنة كانت على حساب كتير رغم إن الموضوع بقاله 50 أو 60 سنة مش مدة التأخير هي المشكلة، لكن آثاره على البيئة».
واستكمل الرئيس السيسي حديثه قائلا: «لما جينا ندخل في الموضوع لقينا الإجراءات العملية على الأرض، مش معنى إني قولت أو عملت المجمعات دي إنها تشتغل، لأ، وبخاف نعطي إنطباع لأنفسنا إن اللي احنا عملناه دة هيشتغل ويبقى يدخل في الاقتصاد والناس بتشتغل بيه بالفعل».
وواصل رئيس الجمهورية: «لما تصدينا للموضوع كان ساعتها طارق قابيل وزير التجارة والصناعة قولتله ما تنقلوا الناس من مجرى العيون من المدابغ يعني، الدكتور مصطفى في معالجة أرض مجرى العيون صرف 3 أو 4 مليارات جنيه عشان نشيل النيكل والكروم»، ممازحًا وزير الدكتور عاصم الجزار، وزير الإسكان قائلا: «إلحقنا بالكلام يا دكتور عاصم».
من جهته، رد عاصم الجزار وزير الإسكان، بقوله إنَّه جرى إنفاق 3.9 مليار جنيه لمعالجة التربة، إضافة إلى توفير 1007 وحدات سكنية للسكان الذين كانوا يعملون في هذا النشاط، إذ جرى منحهم وحدات في بدر إلى جوار الروبيكي».
اقرأ أيضا:
الرئيس السيسي لأصحاب المصانع غير المرخصة: مش بنقنن الوضع علشان أخد منك حاجة
