شاهد.. رجل الأعمال المصري نجيب ساويرس يكشف حقيقة نقل استثماراته ونشاطاته خارج مصر
كشف رجل الأعمال المصري نجيب ساويرس، حقيقة نقل استثماراته ونشاطاته خارج مصر.
ونفى ذلك قائلا في تصريحات تلفزيونية: "هذه الشائعات لا أساس لها من الصحة".
حقيقة خروج ساويرس من مصر
وأضاف: ردًا على نقل استثمارات العائلة خارج مصر، بعد نقل شقيقه ناصف ساويرس مكتب عائلته إلى أبوظبي، أن هذا الكلام ليس له أساس من الصحة.
تابع: "ننقل إزاي المصانع والفنادق هنا، وكل يوم بفتح مشروع شكل، كل الكلام واحد عنده مكتب بره مصر بينقله في بلد تانية مش أكتر من كدة".
وذكر “أنا هتكلم عن نفسي، لأن إخواتي بيزعلوا لما بتكلم عنهم، أنا مقدرش أروح أعيش في أي حتة تانية، عندي كل الفرص للعيش في أي مكان”.
وذكر: لكن أنا لا أشعر بوجودي وسعادتي وراحتي غير في بلدي"، لافتًا إلى "كون شركاتنا شركات عالمية وبتشتغل في كل حتة، دي حاجة تشرف مصر مش تضرها".
وأكد أن عائلة ساويرس ما زالت أكبر مستثمر محلي في مصر، مضيفا: "إحنا مش رايحين نشتغل بره عشان مصر في ضيقة.. لأ، إحنا طول عمرنا عندنا نشاط دولي، فرصة إننا نصدر، ونجيب فرص عمل لأولادنا بره مصر، ويقبضوا بالدولارات ويحولوها لمصر، وإحنا بنحول أرباحنا دائمًا لمصر".
